Կանադան կսահմանի մաքսատուրքեր՝ ի պատասխան ԱՄՆ-ի քայլերի
Կանադան 25 տոկոսի չափով մաքսատուրքեր կսահմանի մոտ 107 մլրդ դոլար արժողությամբ ամերիկյան ապրանքների վրա՝ ի պատասխան ԱՄՆ-ի քայլերի։ Ինչպես տեղեկացնում է «ՌԻԱ Նովոստի»-ն, այդ մասին ասել է Կանադայի վարչապետ Ջասթին Թրյուդոն։
Նա հավելել է, որ 25 տոկոս մաքսատուրքերն անմիջապես ուժի մեջ կմտնեն 30 միլիարդ դոլար արժողությամբ ապրանքների վրա, իսկ մնացած մաքսատուրքերն ուժի մեջ կմտնեն 21 օր անց:
Ավելի վաղ ԱՄՆ-ի նախագահ Դոնալդ Թրամփը հայտարարել էր, որ երեքշաբթի օրվանից Մեքսիկայից և Կանադայից ապրանքների ներմուծման համար կսահմանվեն 25 տոկոս մաքսատուրքեր։
