Զուրաբիշվիլիի վրա հավկիթներ են նետել Թբիլիսիի միջազգային օդանավակայանում
TV Pirveli-ը հայտնում է, որ Վրաստանի նախկին նախագահ Սալոմե Զուրաբիշվիլիի վրա հավկիթներ են նետել Թբիլիսիի միջազգային օդանավակայանի տարածքում, երբ նախկին ղեկավարը երկիր է վերադարձել Գերմանիայում անցկացված Մյունխենի անվտանգության համաժողովից։
Իրավապահները հետաքննություն են սկսել դեպքի առնչությամբ:
Հիշեցնենք, որ նախօրիեն Վրաստանի նախկին վարչապետ Գիորգի Գախարիայի վրա հավկիթներ էին նետել Թբիլիսիի օդանավակայանում: «Հանուն Վրաստանի» ընդդիմադիր կուսակցության առաջնորդը նույնպես վերադառնում էր Մյունխենի անվտանգության համաժողովից։
Գախարիայի հետ օդանավակայանում «ձվերի հարձակման» է ենթարկվել նաև Գերմանիայում Վրաստանի նախկին դեսպան Էլգուջա Խոկրիշվիլին։
«Վրաստանի համար» կուսակցությունը հայտարարել է, որ հարձակվողները «Վրացական երազանքի ջոկատներ են», և որ ոստիկանությունը չի արձագանքել միջադեպին: Օդանավակայանի անվտանգության ծառայությունը նույնպես ոչ մի կերպ չի արձագանքել, նշել են նրանք։
