Որո՞նք են թուրքերի նախընտրելի հոբբիները
Թուրքիայում հետազոտություն է անցկացվել, որի արդյունքում պարզ է դարձել, թե որո՞նք են թուրքերի նախընտրելի հոբբիները։ Բնակչության 48%-ի համար առաջին տեղում գնումներ կատարելն է։ Այս մասին տեղեկացնում է ermenihaber.am-ը։
Հոբբիների ցանկում 2-րդ տեղում 42%-ով համակարգիչներ և տեխնոլոգիաներն են, որոնք տարածված են հատկապես երիտասարդների շրջանում, իսկ երրորդ տեղում ճանապարհորդելն է (41%)։
Սիրելի զբաղմունքների մեջ 4-րդ տեղում գրքեր և թերթեր կարդալն է (40%), իսկ 5-րդ տեղում համակարգչային խաղեր խաղալն է (36%)։
Սիրելի զբաղմունքների թվում են նաև սպորտային միջոցառումներին մասնակցելը, մեքենա վարելը, ճաշ պատրաստելը և ընտանի կենդանիների հետ ժամանակ անցկացնելը։
