Goldman Sachs-ի ղեկավարը խոսել է ԱՄՆ-ի և Չինաստանի միջև հարաբերությունների բարելավման կարևորության մասին
Goldman Sachs բանկի գլխավոր տնօրեն Դևիդ Սոլոմոնը Դավոսի Համաշխարհային տնտեսական ֆորումում CNBC-ին տված հարցազրույցում նշել է, որ աշխարհի երկու խոշորագույն տնտեսական գերտերությունների՝ ԱՄՆ-ի և Չինաստանի համար կարևոր է բարելավել երկկողմ հարաբերությունները։
Սոլոմոնի խոսքով՝ որոշ առևտրային համաձայնագրերի հավասարակշռության փոփոխությունը կարող է կառուցողական լինել ԱՄՆ տնտեսության աճի համար, եթե այն ճիշտ իրականացվի։ «Հարցն այն է, թե որքա՞ն հեռու։ Որքա՞ն արագ և որքա՞ն մտածված»,- ասել է նա CNBC-ի հետ հարցազրույցում։
Goldman Sachs-ը երկար ժամանակ ներկայացված է Չինաստանում՝ գրասենյակներ ունենալով Պեկինում, Շանհայում և Շենչժենում։ 2021 թվականին ներդրումային բանկը Չինաստանի արժեթղթերի կարգավորողից թույլտվություն է ստացել իր մայրցամաքային արժեթղթերի բիզնեսի նկատմամբ լիարժեք վերահսկողություն իրականացնելու համար։
Սոլոմոնը նաև հաստատել է, որ 2025 թվականին ակնկալում է գործարքների ակտիվության զգալի աճ։
Ավելի վաղ ԱՄՆ նախագահ Դոնալդ Թրամփը սպառնացել էր նոր մաքսատուրքեր սահմանել Չինաստանից և Եվրամիությունից ներմուծմների վրա։
Իր նախորդ նախագահական ժամկետում Թրամփը ավելի քան 300 միլիարդ դոլարի մաքսատուրքեր էր սահմանել չինական ներմուծման վրա։
