Տիգրան Բարսեղյանը՝ «Սլովան»-ի աշնանային շրջանի լավագույն ֆուտբոլիստ
«Սլովանի» երկրպագուների քվեարկության արդյունքում աշնանային շրջանի լավագույն ֆուտբոլիստ է ճանաչվել Տիգրան Բարսեղյանը։
Քվեարկությանը մասնակցել է 2,387 երկրպագու, որոնց 66%-ը (1,570 ձայն) քվեարկել է Տիգրանի օգտին։ Նա առաջին հատվածում փայլել է 17 գոլով և 5 գոլային փոխանցմամբ՝ դառնալով թիմի ամենաարդյունավետ խաղացողը և ներքին առաջնության լավագույն ռմբարկուն (14 գոլ)։
Երկրորդ տեղը զբաղեցրել է դարպասապահ Դոմինիկ Տակաչը՝ հավաքելով ձայների 17%-ը, իսկ երրորդ տեղում է հարձակվող Դավիդ Ստրելեցը։
