Թրամփի ասուլիսի կարևոր շեշտադրումները

Ուկրաինական ճգնաժամը ԱՄՆ ներկայիս նախագահ Ջո Բայդենի ֆիասկոն է, իրավիճակը հղի է հետագա ծայրահեղ լուրջ սրմամբ։ Այս մասին ԱՄՆ նորընտիր նախագահ Դոնալդ Թրամփը հայտարարել է Վեսթ Փալմ Բիչի (Ֆլորիդա) մերձակայքում գտնվող Մար-ա-Լագո կալվածքում կայացած մամուլի ասուլիսում:

Ասուլիսի կարևոր շեշտադրումները`

• «Սա Բայդենի ֆիասկո էր: Այս բանակցություններում շատ սխալներ են թույլ տրվել: Եվ այն, ինչ ես լսել եմ, Բայդենն այնպես է բանակցել, որ ես ասել եմ` դա կավարտվի պատերազմով»:

• Հուսով է` ուկրաինական պատերազմը կավարտվի վեց ամսից:

• Արևմուտքը հասկանում է, որ Ուկրաինան չի կարող լինել ՆԱՏՕ-ի կազմում:

• Նա ասել է, որ Ռուսաստանի նախագահի հետ հանդիպում կազմակերպելն անհնար է մինչև Սպիտակ տուն իր պաշտոնական վերադարձը:

• Մերձավոր Արևելքում ամբողջովին «դժոխքը կբռնկվի», եթե ՀԱՄԱՍ-ը պատանդներին չազատի մինչև Սպիտակ տուն իր վերադառնալը` հունվարի 20-ը. «Վատ կլինի բոլորի համար»,-ասել է նա:

• Ըստ Թրամփի` Դանիան պետք է Գրենլանդիան զիջի ԱՄՆ-ին՝ «ազատ աշխարհը» պաշտպանելու համար, այդ թվում՝ չինական և ռուսական նավերից:

• Թրամփն ասել է`Պանամայի իշխանությունների հետ քննարկումներ են ընթանում Պանամայի ջրանցքի հարցի շուրջ, որը ԱՄՆ-ը մտադիր է վերադարձնել իր վերահսկողության տակ:

• Թրամփը հրաժարվել է խոստանալ ռազմական ուժ չկիրառել Գրենլանդիայի և Պանամայի ջրանցքի նկատմամբ ԱՄՆ վերահսկողությունը հաստատելու համար:

• Մտադիր է «շատ զգալի» մաքսատուրքեր սահմանել Կանադայից և Մեքսիկայից ներմուծվող ապրանքների վրա:

• Մեքսիկական ծոցը կվերանվանվի «Ամերիկայի ծոց»: