Ինձ չհրավիրելը մարզիչի որոշումն էր․ Մբապե
Մադրիդի «Ռեալի» հարձակվող Կիլիան Մբապեն խոսել է Ֆրանսիայի ազգային հավաքականից հրավեր չստանալու մասին։
«Նոյեմբերին ցանկանում էի միանալ հավաքականին, ինձ չհրավիրելը մարզչի որոշումն էր։ Ներեցեք, չեմ կարող ասել` ինչն է խնդիրը։ Եթե նա ցանկանա, ապա կասի։ Ես չեմ կարող պատասխանել հարցին»,- ասել է 25-ամյա ֆուտբոլիստը։
Կիլիան Մբապեն Ֆրանսիայի հավաքականում նախորդ անգամ հանդիպման մասնակցել է սեպտեմբերի 9-ին, ինչից հետո ազգային թիմից հրավեր չի ստացել։
Հավաքականի գլխավոր մարզիչ Դիդյե Դեշամն Ազգերի լիգայի խաղարկության վերջին հանդիպումներից առաջ հարձակվողին հավաքական չհրավիրելու մասին հայտարարել էր.
«Այդ հարցը քննարկել եմ նրա հետ և հետո որոշում կայացրել։ Այդպես ավելի լավ կլինի։ Մբապեն ցանկանում էր միանալ հավաքականին, և որևէ լուրջ պատճառ չկա»։
