Չեխիան հայտարարել է «Дружба» խողովակաշարով Ռուսաստանից նավթի մատակարարումների դադարեցման մասին
Ռուսաստանից Չեխիա նավթի մատակարարումը «Дружба» խողովակաշարով ընդհատվել է, ըստ Associated Press-ի՝ չորեքշաբթի հայտնել են չեխ պաշտոնյաները:
Պետական Mero ընկերությունը, որը շահագործում է երկրի խողովակաշարերի ցանցը, հայտարարել է, որ գնահատում է իրավիճակը:
«Մատուցումներին ոչինչ չի սպառնում»,-հավելել են Mero-ում:
Ըստ ընկերության հայտարարության՝ պետությունը 90 օրվա պաշարներ ունի, իսկ նավթի մատակարարումներն Արեւմուտքից TAL եւ IKL խողովակաշարերով չեն ընդհատվել։ Չեխիայի արդյունաբերության և առևտրի նախարար Լուկաշ Վըլչեկը հայտարարել է, որ դեռ պարզ չէ, թե ինչ է տեղի ունեցել։
«Չեխական նավթավերամշակման գործարանները լավ են պատրաստված նման իրավիճակին, մենք էլ հանրային պահուստների հուսալի համակարգ ունենք»,-նշսել է Վըլչեկը:
Նավթի վերամշակող Orlen Unipetrol ընկերությունը հայտարարել է, որ դա իր գործունեության վրա չի անդրադարձել:
Չեխիան, Սլովակիան և Հունգարիան Եվրամիության անդամ միակ երկրներն են, որոնք դեռևս նավթ են ստանում Ռուսաստանից։ ԵՄ մյուս երկրները դադարեցրել են ռուսական նավթի գնումը Ուկրաինայում պատերազմի բռնկումից հետո՝ Ռուսաստանի դեմ ԵՄ պատժամիջոցների շրջանակում։
