Շիրակի, Արագածոտնի և Լոռու մարզերում ձյուն է տեղում
ՀՀ ՆԳՆ Փրկարար ծառայությունը տեղեկացնում է, որ փակ է«Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:
Շիրակի մարզում, Արագածի տարածաշրջանում և Սպիտակի ոլորաններում տեղում է ձյուն։ Ճամբարակ քաղաքում, Արագածի տարածաշրջանում և Սյունիքի մարզի բարձրադիր գոտիներում մառախուղ է:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը փակ է բեռնատարների համար:
