Իրանը և «եվրաեռյակը» բանակցություններ կանցկացնեն արտաքին գործերի փոխնախարարների մակարդակով
Իրանի և Եվրոպայի երեք երկրների արտաքին գործերի փոխնախարարները հանդիպում կունենան, որի ընթացքում կքննարկեն Պաղեստինին, Լիբանանին և Իրանի միջուկային ծրագրին վերաբերող հարցեր։ Այս մասին հաղորդում է IRNA գործակալությունը՝ վկայակոչելով Իրանի արտաքին գործերի նախարարության պաշտոնական ներկայացուցչին։
Իրանի ԱԳՆ խոսնակ Էսմայիլ Բաղային լրագրողներին հայտնել է, որ նոյեմբերի 29-ին կանցկացվի Իրանի, Ֆրանսիայի, Գերմանիայի և Մեծ Բրիտանիայի արտաքին գործերի նախարարների տեղակալների հանդիպում երկկողմ, տարածաշրջանային և միջազգային հարցերի քննարկման համար։
Բաղային Եվրոպայի երեք երկրների հետ առաջիկա բանակցությունները համարել է Նյու Յորքում ՄԱԿ-ի Գլխավոր ասամբլեայի տարեկան նստաշրջանի շրջանակներում անցկացված քննարկումների շարունակությունը։
Նա նշել է, որ բանակցությունների այս փուլում, որոնք ծրագրվել են դեռևս Նյու Յորքում, կքննարկվեն մի շարք տարածաշրջանային և միջազգային հարցեր, ներառյալ Պաղեստինի և Լիբանանի իրադրությունը, ինչպես նաև միջուկային խնդիրը:
Ըստ իրանական այլ ԶԼՄ-ների՝ բանակցությունները կկայանան Ժնևում։
