ԱԷՄԳ-ի ղեկավարը հայտարարել է, որ ողջունում է բարձր հարստացված ուրանի պաշարները սահմանափակելու Իրանի քայլը
Ատոմային էներգիայի միջազգային գործակալության ղեկավար Ռաֆայել Գրոսսին չորեքշաբթի հայտարարել է, որ ողջունում է Իրանի «կոնկրետ քայլը»՝ համաձայնվելով սահմանափակել իր բարձր հարստացված ուրանի պաշարները, երբ Թեհրանը նախապատրաստական քայլեր ձեռնարկեց՝ դադարեցնելու իր պաշարների համալրումը, հաղորդում է Ֆրանսպրես գործակալությունը:
«Կարծում եմ, որ սա… կոնկրետ քայլ է ճիշտ ուղղությամբ. մեր կողմից հաստատված փաստ կա»,-Վիեննայում լրագրողներին ասել է Գրոսսին։ «Ես շատ եմ կարևորում այն փաստը, որ առաջին անգամ, երբ Իրանը հեռացավ իր նախկին պարտավորություններից, այլ ուղղությամբ ընթացան»:
Միաժամանակ նա հայտարարել է, թե չի կարող բացառել, որ Իրանի պարտավորությունները «հետագա իրադարձությունների արդյունքում» կարող են խախտվել:
Հիշեցնենք, որ նոյեմբերի 15-ին Գրոսսին այցելել էր Իրան և այցելել Ֆորդոյի և Նաթանզի միջուկային հարստացման կայաններ։
