ԱՄՆ օրենսդիրները պահանջում են պատժամիջոցներ սահմանել իսրայելցի երկու նախարարների դեմ. Axios
ԱՄՆ-ի ավելի քան 80 դեմոկրատ օրենսդիրներ կոչ են անում ԱՄՆ նախագահ Ջո Բայդենի վարչակազմին պատժամիջոցներ կիրառել Իսրայելի ներքին անվտանգության նախարար Իտամար Բեն-Գվիրի և ֆինանսների նախարար Բեզալել Սմոտրիչի նկատմամբ։ Այս մասին հինգշաբթի հայտնել է Axios-ը։
Ըստ լրատվամիջոցի՝ հոկտեմբերի վերջին 17 սենատոր և ԱՄՆ Կոնգրեսի Ներկայացուցիչների պալատի 71 անդամ համապատասխան նամակ են հղել Բայդենին և ԱՄՆ պետքարտուղար Էնթոնի Բլինկենին։ Նրանք Բեն-Գվիրին և Սմոտրիչին մեղադրում են Արևմտյան ափի իսրայելցի վերաբնակիչներին պաղեստինյան բնակչության նկատմամբ բռնություն գործադրելու դրդելու մեջ։
Axios-ը շեշտում է, որ Բայդենը և Բլինկենը «մինչ այժմ հրաժարվել են իրականացնել նման առաջարկությունները»։ ԱՄՆ նախագահը, ըստ պորտալի աղբյուրների, «չի աջակցում դաշնակից պետության դեմոկրատական ճանապարհով ընտրված պաշտոնյաների դեմ պատժամիջոցների սահմանմանը»։
