Լյուբլինում հայտնաբերված ավիառումբի պատճառով 3000 բնակիչ է տարհանվել
Լեհաստանի արևելյան Լյուբլին քաղաքում Երկրորդ համաշխարհային պատերազմի ժամանակների ավիառումբ են հայտնաբերել։ 3000 բնակիչ տարհանվել է։
Այս մասին հաղորդում է ՏԱՍՍ-ը՝ վկայակոչելով տեղական լրատվամիջոցները։Չպայթած զինամթերքը հայտնաբերվել է նոյեմբերի 14-ի երեկոյան շինարարական աշխատանքների ժամանակ։ Ժամանած սակրավորներն արգելափակել են վտանգավոր գտածոն, իսկ քաղաքային իշխանությունները հաջորդ առավոտյան տարհանել են մոտակա վեց փողոցների բնակիչներին:
Առաջիկա ժամերին պայթուցիկ նյութերի մասնագետները կսկսեն չեզոքացնել զինամթերքը, որի տեսակը չի նշվում:
