Մասկը կարծում է, որ նույնիսկ նախկին դեմոկրատները կքվեարկեն Թրամփի օգտին
ԱՄՆ-ի Դեմոկրատական կուսակցության բազմաթիվ նախկին համախոհներ առաջիկա նախագահական ընտրություններում կքվեարկեն հանրապետական թեկնածու Դոնալդ Թրամփի օգտին։ Նման կարծիք է հայտնել Իլոն Մասկը։
«2020 թվականին բոլոր հայտնի ընտրողները, որոնք չէին աջակցում կուսակցություններից ոչ մեկին, քվեարկել են [ԱՄՆ ներկայիս նախագահ դեմոկրատ Ջո] Բայդենի օգտին: 2024 թվականին բոլոր նման ընտրողները և շատ նախկին դեմոկրատներ կքվեարկեն Դոնալդ Թրամփի օգտին»,- գրել է նա X-ի (նախկին Twitter) իր էջում։
Մասկը նախկինում աջակցել է Թրամփին ընտրություններում։ Հանրապետական թեկնածուն խոստովանել է, որ հաղթելու դեպքում Մասկին կնշանակի իր վարչակազմում ինչ-որ պաշտոնի։
ԱՄՆ-ում նոյեմբերի 5-ին կայանալիք նախագահական ընտրություններում դեմոկրատ թեկնածուն փոխնախագահ Քամալա Հարիսն է։
