ԱՄՆ-ն կարող է խստացնել հակաիրանական պատժամիջոցները՝ Իսրայելի պատասխանի սահմանափակման դեպքում. Bloomberg
ԱՄՆ-ն Իսրայելին առաջարկել է սահմանափակել Իրանի դեմ պատասխան հարվածի մասշտաբը՝ Վաշինգտոնի կողմից Թեհրանի դեմ նոր տնտեսական պատժամիջոցների սահմանման դիմաց։
Այդ մասին Bloomberg-ին հայտնել են քննարկումներին ծանոթ աղբյուրները։Ըստ նրանց տվյալների՝ ամերիկացի պաշտոնյաները մտավախություն ունեն, որ Իսրայելի հարվածներն Իրանի էներգետիկ ենթակառուցվածքին կարող են ցնցել էներգետիկ շուկաները։
Վաշինգտոնը փորձում է համոզել Իսրայելին պատասխան հարձակումների համար թիրախներ ընտրելիս սահմանափակվել ռազմական օբյեկտներով, իսկ ԱՄՆ-ն իր հերթին պատրաստ է խստացնել տնտեսական պատժամիջոցները Թեհրանի դեմ։
Ավելի վաղ Իսրայելի պաշտպանության նախարար Յոավ Գալանտը հայտարարել էր, որ իր երկիրը չի հրաժարվում Իրանին հարված հասցնելու ծրագրերից՝ ի պատասխան նրա հրթիռային հարձակման։
«Մեր հարձակումն Իրանի վրա կլինի մահաբեր, ճշգրիտ և ամենից առաջ՝ անսպասելի։ Նրանք չեն հասկանա, թե ինչ կատարվեց և ինչպես դա կատարվեց։ Նրանք կտեսնեն հետևանքները», – ասել է Գալանտը։
Իր հերթին ԱՄՆ Կենտրոնական հետախուզական վարչության տնօրեն Ուիլյամ Բերնսը հայտնել է, որ իր կարծիքով՝ Իսրայելի ղեկավարները հաշվի կառնեն ԱՄՆ նախագահի և քաղաքական գործիչների արտահայտած մտահոգությունները։
Նա նշել է, որ այս ամենը տարածաշրջանային հակամարտության էսկալացման իրական վտանգ է պարունակում։
Հոկտեմբերի 1-ին Իրանը շուրջ 200 բալիստիկ հրթիռ էր արձակել Իսրայելի վրա՝ հայտարարելով, որ խոցել է կարևոր օբյեկտներ։ Իսրայելն իր հերթին հայտարարել է, որ խոցել է հրթիռների մեծ մասը։
