ՀՀ պետական պարտքը 2024թ. օգոստոսի 31-ի դրությամբ կազմել է մոտ 4 տրլ 830,3 մլրդ դրամ
2024 թ. օգոստոսի 31-ի դրությամբ ՀՀ պետական պարտքը կազմել է 4 տրլ 830,3 մլրդ դրամ։ Այս մասին հայտնում է ՀՀ վիճակագրական կոմիտեն։
Կոմիտեի ներկայացրած տվյալների համաձայն` պետական պարտքը 2023 թ. դեկտեմբերի 31-ի համեմատությամբ աճել է 39 մլրդ 545.1 մլն դրամով (2023 թ. դեկտեմբերի 31–ին այն կազմել է 4 տրլ 794 մլրդ 905 մլն դրամ)։
Ընդ որում` պետական պարտքն աճել է ներքին պարտքի պատճառով։ Եթե 2023 թ. դեկտեմբերի 31–ի դրությամբ ներքին պարտքը կազմել է 2 տրլ 163.1 մլրդ դրամ, ապա 2024 թ. օգոստոսի 31-ի դրությամբ այն աճել է 30 մլրդ 191 մլն դրամով` կազմելով 2 տրլ 389.1 մլրդ դրամ։
Ինչ վերաբերում է արտաքին պարտքին, ապա այն 2023 թ. դեկտեմբերի 31–ի դրությամբ կազմել է 2 տրլ 631.7 մլրդ դրամ, իսկ 2024 թ. օգոստոսի 31-ի դրությամբ այն նվազել է` կազմելով 2 տրլ 441.2 մլրդ դրամ։
