Երևանի քոլեջներից մեկում ծեծկռտուքի մասնակցած ուսանողներից երկուսի մոտ դանակ է հայտնաբերվել
Թբիլիսյան խճուղում գտնվող քոլեջում ծեծկռտուքի հետևանքով մի խումբ ուսանողներ վիճաբանել և հարվածներ են հասցրել իրար: Աս մասին հայտնում են ՆԳՆ Ոստիկանությունից, նշելով, որ ոստիկանները սառը զենք կրելու հիմնավոր կասկածանքով ձերբակալել և ոստիկանության Արաբկիրի բաժին են տեղափոխել քոլեջի 16 տարեկան երկու ուսանողի: Նաև բաժին են ներկայացվել ծեծկռտուքին մասնակցած ութ ուսանող:
Անձնական խուզարկությամբ ձերբակալված երկու ուսանողի մոտ դանակ է հայտնաբերվել:
Կազմված փաստաթղթերը փոխանցվել են քննչական բաժին:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
