Մեծ Բրիտանիայի վարչապետին մեղադրել են իր կնոջ համար հագուստ գնելու պատճառով խորհրդարանի կանոնները խախտելու մեջ
Մեծ Բրիտանիայի վարչապետ սըր Քիր Սթարմերը, հնարավոր է, խախտել է խորհրդարանական կանոնները՝ չհայտարարագրելով լեյբորիստական դոնոր լորդ Վահիդ Ալիի կողմից իր կնոջ համար գնված հագուստը:
Վարչապետը երեքշաբթի օրը դիմել է խորհրդարանական իշխանություններին՝ խնդրելով ուշացած հայտարարություն անել այն բանից հետո, երբ նրան նոր խորհուրդներ են տրվել այն մասին, թե ինչ կետեր պետք է բացահայտվեն, հաղորդում է Sunday Times-ը: Կառավարության ներկայացուցիչն ասել է, որ վարչապետի կարծիքով, ինքը հետևել է կանոններին, սակայն դրանից հետո հայտարարվել է լրացուցիչ կետերի մասին:
Կանոնների համաձայն, պատգամավորները պարտավոր են նվերներն ու նվիրատվությունները գրանցել դրանք ստանալուց 28 օրվա ընթացքում։
Ավելի վաղ լորդ Ալին հագուստ և ակնոց էր գնել սըր Քիրի համար, որոնք նշված են խորհրդարանի անդամների շահերի գրանցամատյանում նրա գրառման մեջ: Վերջերս Մեծ Բրիտանիայի վարչապետը հայտարարեց, որ լորդ Ալին իրեն մի քանի շաբաթով բնակարան է տրամադրել՝ ավելի քան 20 հազար ֆունտ ստերլինգ արժողությամբ: Օգոստոսին պարզվեց, որ Լորդ Ալիին Դաունինգ Սթրիթի պահպանության ժամանակավոր անցագիր է տրվել՝ չնայած նրան, որ նա պաշտոնապես պետական պաշտոն չի զբաղեցնում կառավարությունում:
Պահպանողական կուսակցությունը Մեծ Բրիտանիայի վարչապետին կոչ է արել «ամբողջական հետաքննություն անցկացնել խորհրդարանական կանոնների ակնհայտ լուրջ խախտումների վերաբերյալ»։
