Ֆիլիպիններում արևադարձային փոթորկից առաջացած սողանքները 11 հոգու կյանք են խլել

Ֆիլիպիններում արդեն երկու օր է՝ շարունակվում են արևադարձային փոթորկի առաջացրած հորդառատ անձրևները։ Հեղեղումների և սողանքների հետևանքով 11 մարդ է զոհվել։

Այս մասին հաղորդում է France24 պարբերականը։

Մայրաքաղաք Մանիլայում փակվել են դպրոցները և պետական հաստատությունները, փոթորկից տուժած շրջաններում նավագնացությունը դադարեցվել է, չեղարկվել է 29 ներքին թռիչք։ 

Սեպտեմբերի 2-ի դրությամբ ավելի քան 300 մարդ դեռ մնում էր տարհանման ճամբարներում։  Տեղական իշխանություններին կոչ են արել նախապատրաստվել բնակչության տարհանմանը փոթորկի ճանապարհին ընկած համայնքներից։