Ուկրաինական զինված ուժերի հրթիռով խոցված ռուսական լաստանավը խորտակվել է
![](https://168.am/wp-content/uploads/2024/08/imgonline-com-ua-convertActcQ22TD3uI.jpg)
«Կովկաս» նավահանգստի վրա Ուկրաինայի զինված ուժերի հրթիռային հարձակման հետևանքով վնասված երկաթուղային լաստանավը խորտակվել է։ Ինչպես տեղեկացնում է «Lenta.ru»-ն, այդ մասին հայտնել է Կրասնոդարի երկրամասի օպերատիվ շտաբը։Նշվում է նաև, որ բուն նավահանգստի տարածքում հրդեհներ չկան։
Ավելի վաղ Թեմրյուկի շրջանի ղեկավար Ֆեոդոր Բաբենկովը հայտնել էր, որ լաստանավում վառելիքով 30 տանկ է եղել։Հրթիռակոծման արդյունքում, ոչ պաշտոնական տվյալներով, Conroe Trader երկաթուղային լաստանավը խոցվել է ուկրաինական «Նեպտուն» հրթիռով, ինչը հանգեցրել է հրդեհի։
Լաստանավում հինգ մարդ է եղել, նրանց ճակատագիրն անհայտ է։
Համացանցում հայտնվել է նաև նավահանգստում տեղի ունեցած պայթյունի պահի տեսանյութը։ Կադրերում երևում է ծխի թանձր սև սյունը, որը բարձրանում է երկինք