Ուզբեկստանում տղամարդուն տուգանել են կանացի հագուստ և նիկաբ կրելու համար
![](https://168.am/wp-content/uploads/2024/08/Screenshot_3-30.png)
Ուզբեկստանի արևելյան Անդիջան քաղաքի բնակիչը տուգանվել է 5,1 մլն սումով (մոտ 405 դոլար)՝ նիկաբ և կանացի հագուստ կրելու համար, հայտնում է Անդիջանի շրջանի ներքին գործերի տնօրինության մամուլի ծառայությունը։
2023 թվականի նոյեմբերին Ուզբեկստանում ուժի մեջ են մտել օրենսդրության փոփոխությունները, որոնք նախատեսում են տուգանք հասարակական վայրերում դեմքը թաքցնող և անձնական ճանաչումը խոչընդոտող հագուստ կրելու համար։
Ըստ մամուլի ծառայության՝ Անդիջանի ոստիկանության աշխատակիցները բերման են ենթարկել տեղի մի բնակչի, ով շրջում էր քաղաքի փողոցներով՝ կանացի հագուստով և նիկաբով։
Կանացի հագուստով տղամարդու դրդապատճառները չեն հաղորդվում։