Արթուրի և Մալխասի փառահեղ մրցելույթները՝ կիսաեզրափակչից առաջ

Մալխաս Ամոյանն ու Արթուր Ալեքսանյանը տպավորիչ հաղթանակներով շարժվում են առաջ և շատ մոտ են օլիմպիական ոսկուն։ Մեր մարզիկները կիսաեզրափակչում են։

ՀԱՕԿ նախագահ Գագիկ Ծառուկյանը և բոլորոը տղաների պայքարին հետևում էին կանգնած և շունչները պահած։

Եվս երկու քայլ և կլինի այն ինչ մենք բոլորս երազում ենք։

Արթուր Ալեքսանյանը (97 կգ) 2024 թվականի Փարիզի ամառային 33-րդ Օլիմպիական խաղերի հունահռոմեական ըմբշամարտի մրցաշարի կիսաեզրափակչում կգոտեմարտի կուբացի Գաբրիել Ռուսիլոյի հետ։

Մալխաս Ամոյանը (77 կգ) Օլիմպիական խաղերի կիսաեզրափակչում կգոտեմարտի ճապոնացի ըմբիշ, Ասիայի գործող չեմպիոն և 2023 թվականի աշխարհի առաջնության մեդալակիր Նաո Կուսակայի հետ։