ՀՀ ՊՆ-ն հերքել է ԼՂ նախկին ՊԲ հրամանատարին Սուրեն Պապիկյանի խորհրդական նշանակվելու վերաբերյալ լուրերը
Հայաստանի Հանրապետության պաշտպանության նախարարությունը հերքել է ԼՂ նախկին պաշտպանության նախարար-պաշտպանության բանակի հրամանատար Կամո Վարդանյանին Սուրեն Պապիկյանի խորհրդական նշանակվելու վերաբերյալ լուրերը:
«Մամուլում տեղեկություններ են շրջանառվում գեներալ-լեյտենանտ Կ. Վարդանյանի՝ պաշտպանության նախարարի խորհրդական նշանակվելու վերաբերյալ:
ԶԼՄ գործընկերներին հայտնում ենք, որ պաշտպանության նախարարությունում բարձր և բարձրագույն զինվորական պաշտոնների նշանակումների վերաբերյալ սահմանված կարգով տրվում են պաշտոնական հաղորդագրություններ: Պաշտպանության նախարարի զինվորական խորհրդականները 3-ն են՝ գեներալ-մայոր Ա. Սիմոնյանը, պահեստազորի գնդապետ Ռ. Պետրոսյանը, պահեստազորի գնդապետ Մ. Պողոսյանը»,- նշված է ՊՆ-ի տարածած հաղորդագրության մեջ:
ՀՀ նախարարությունից հայտնում են, որ Հայաստանի զինված ուժերում անձը կարող է ծառայության անցնել բացառապես այն դեպքում, երբ ունի ՀՀ քաղաքացիություն:
