Ահաբեկչական կազմակերպության քարոզ անելու մեղադրանքով Թուրքիայում երաժիշտների խումբ է ձերբակալվել
Թուրքիայի արևելյան հատվածում գտնվող Հաքքարի քաղաքի Սյումբուլ թաղամասում տեղի ունեցած հարսանիքին մասնակցած երաժիշտներն ու փեսացուն «կազմակերպությունների քարոզ» անելու կանխավարկածով ձերբակալվել են:
Ըստ ermenihaber.am-ի՝ «Կազմակերպությունների քարոզ» ասելով՝ նկատի է առնվել Թուրքիայի կողմից ահաբեկչական ճանաչված կազմակերպությունների օգտին քարոզ իրականցնելու գործընթացը:
Նշվում է, որ փեսացուն, ինչպես նաև ցուցմունք տալու համար Հաքարիի նահանգային ոստիկանության վարչություն տեղափոխված նկարահանող խումբն ազատ է արձակվել, սակայն «Koma Özgün» անունով երաժիշտների խումբը տեղափոխվել է դատարանի շենք, իսկ նրանցից 2-ը կալանավորվել է:
