Հրազենային վնասվածքներ են ստացել մի օտարերկրացի և 2 ոստիկան
Հայաստանում քրեածին իրավիճակը շարունակում է աղետալի մնալ։ Կրակոցները, սպանությունները, ավազակային հարձակումները, օրը ցերեկով հրազենի օգնությամբ հարցեր պարզելը սովորական բան են դարձել մեր երկրի համար։
Հանցագործությունների աշխարհագրությունը ընդլայնվում է Հայաստանի Հանրապետության| լայն բացված դռների արդյունքում, որի արդյունքում երկիր են ներթափանցում տարատեսակ քրեական տարրեր ողջ աշխարհից։
Երեկ էլ իրավիճակը հանդարտ չէր Կոտայքի մարզում։
168.am-ի հետ զրույցում ՀՀ ՆԳՆ ոստիկանությունից տեղեկացրեցին, որ հուլիսի 20-ին՝ 00:50 սահմաններում, ահազանգով ՆԳՆ ոստիկանության Կոտայքի բաժին է հրավիրվել օտարերկրա մի քաղաքացի:
Նա, ըստ նախնական տեղեկությունների, ինքնավնասման նպատակով, վերցրել է ոստիկաններից մեկի ինքնաձիգը և կրակոցներ արձակել։
Արդյունքում վնասվածքներ են ստացել նա և ոստիկանության 2 ծառայող։
ՆԳՆ ներքին անվտանգության և հակակոռուպցիոն վարչությունում նշանակվել է ծառայողական քննություն։
