Ֆրանսիան, Գերմանիան, Իտալիան և Լեհաստանը համատեղ հեռահար թևավոր հրթիռներ կմշակեն
Ֆրանսիայի, Գերմանիայի, Իտալիայի և Լեհաստանի պաշտպանության նախարարները Վաշինգտոնում ՆԱՏՕ-ի գագաթնաժողովի շրջանակում փաստաթուղթ են ստորագրել հեռահար թևավոր հրթիռների համատեղ մշակման մասին։ Այս մասին հայտնում է Reuters-ը։
«Ֆրանսիան, Գերմանիան, Իտալիան և Լեհաստանը նախաձեռնել են մշակել ցամաքային արձակման թևավոր հրթիռներ՝ ավելի քան 500 կմ հեռահարությամբ՝ լրացնելու եվրոպական զինանոցների բացը», – ասվում է հայտարարության մեջ:
Գործակալության տվյալներով՝ այս երկրներում զինանոցների բացն առաջացել է Ուկրաինային ռազմական աջակցության արդյունքում։
