Ռոնալդուն դեռ վերջնական որոշում չի կայացրել
«Ոսկե գնդակի» 5-ակի դափնեկիր Կրիշտիանու Ռոնալդուն, ամենայն հավանականությամբ, չի ավարտի կարիերան Պորտուգալիայի հավաքականում, բայց որոշումը դեռ վերջնական չէ, հայտնում է Record-ը:
39-ամյա հարձակվողը դեռ հստակ որոշում չի կայացրել, սակայն չի ցանկանում հավաքականից հեռանալ պարտությամբ: Ավելի վաղ տեղեկություններ էին տարածվել, որ Ռոնալդուն ցանկանում է մասնակցել նաև 2026 թվականի աշխարհի առաջնությանը:
Հիշեցնենք, որ Գերմանիայում ընթացող Եվրո-2024-ի քառորդ եզրափակչում Պորտուգալիայի հավաքականը պարտվել էր Ֆրանսիայի ընտրանուն: Եվրոպայի առաջնությունում Ռոնալդուն կատարել է 1 գոլային փոխանցում:
