Բրիտանիայի տրանսպորտի նախարարը հայտարարել է երկաթուղիներն ազգայնացնելու ծրագրերի մասին
Բրիտանիայում իշխանության եկած Լեյբորիստական կուսակցության կաբինետի տրանսպորտի նախարար Լուիզ Հեյգը հայտարարել է բրիտանական երկաթուղիները որքան հնարավոր է շուտ ազգայնացնելու մտադրության մասին։
«Լեյբորիստները հնարավորինս շուտ կազգայնացնեն բրիտանական երկաթուղիները», ասել է գերատեսչության ղեկավարը։
Նշվում է, որ իրենց նախընտրական մանիֆեստում լեյբորիստները խոստացել են իշխանության գալուց հետո հինգ տարվա ընթացքում ամբողջությամբ ազգայնացնել երկրի երկաթուղային ցանցը և ստեղծել պետական ընկերություն՝ «Մեծ Բրիտանիայի երկաթուղիներ», որը կժառանգի մասնավոր ընկերություններին պատկանող ուղևորափոխադրումների պայմանագրերը։
