Բուլղարիան կառաջարկի միջնորդ դառնալ ՌԴ-ի ու Ուկրաինայի միջև բանակցություններում
Բուլղարիան կառաջարկի Ռուսաստանի և Ուկրաինայի միջև խաղաղ բանակցություններ սկսել ՆԱՏՕ-ի գագաթնաժողովում, որը տեղի կունենա հուլիսի 9-11-ը Վաշինգտոնում: Այս մասին հայտել է Բուլղարիայի վարչապետի ժամանակավոր պաշտոնակատար Դիմիտար Գլավչևը, փոխանցում է Novinite-ը։
«Ես անկեղծորեն հավատում եմ, որ մենք պետք է հանդես գանք խաղաղ բանակցությունների օգտին, որոնցում Բուլղարիան հանդես կգա որպես միջնորդ։ Ի՞նչը կարող է դրանից լավ լինել: Հենց դա կառաջարկեմ, դրանում ոչ մի խնդիր չկա», – ասաց նա։
