Սելին Դիոնը պատրաստվում է համերգ տալ Լաս Վեգասում ՝ չորս տարվա դադարից հետո
Աշխարհահռչակ երգչուհի Սելին Դիոնը պատրաստվում է այս աշնանը համերգ տալ Լաս Վեգասում ՝ չորս տարվա դադարից հետո: Այս մասին հայտնում է «The Sun»-ը։
Սելին Դիոնը ելույթ չի ունեցել և գրեթե չի մասնակցել միջոցառումների հիվանդության պատճառով. արտիստուհին մկանային կոշտության համախտանիշ ունի:
Պարբերականի տվյալներով ՝ նա ընդմիջումից հետո առաջին անգամ ելույթ է ունեցել «Ֆորմուլա-1»-ի գրան պրիի ժամանակ։
70 րոպեանոց համերգի նախապատրաստական աշխատանքներն արդեն սկսվել են. վերջին ութ ամիսների ընթացքում Դիոնը փորձեր է կատարել: Սակայն պարբերականի աղբյուրներն ընդգծում են, որ համերգը կարող է հետաձգվել մինչև 2025 թվականը, եթե արտիստի առողջական խնդիրները սրվեն։
