Մակարոնը՝ դդմիկով և մսի խճողակով
Բաղադրիչները՝
- 300 գ երկար ձողաձև մակարոններ
- 500 գ մսի խճողակ
- 1 գլուխ սոխ
- 2 ճ/գ ձիթապտղի ձեթ
- 450 գ լոլիկ՝ իր հյութի հետ
- 5 գ մաղադանոսի կտրտած տերև
- 200 գ դդմիկ
- 100 գ պինդ պանիր
- աղացած սև պղպեղ, աղ
Սոուսի համար
- 2 ճ/գ ցորենի ալյուր
- 2 ճ/գ կարագ
- 1 բաժակ կաթ
- 1 ճ/գ խնկածաղիկ
Պատրաստման եղանակը
Սոխը մանր կտրատեք և մսի խճողակի հետ մեկտեղ տապակեք ձիթապտղի ձեթի մեջ: Ավելացրեք լոլիկներն ու ևս 10 րոպե շոգեխաշեք: Շոգեխաշելու ավարտից 5 րոպե առաջ ավելացրեք կտրտած մաղադանոսը, աղ ու պղպեղ արեք:
Մակարոնը եփեք ու քամեք:
Դդմիկը կտրատեք, աղ ու պղպեղ արեք: Պանիրը խոշոր քերիչով քերեք:
Ալյուրը տապակեք կարագով, ապա կաթով բացեք, ավելացրեք խնկածաղիկն ու խառնելով 5 րոպե եփեք: Եփելու վերջում աղ ու պղպեղ արեք:
Կարագով պատված տապակի մեջ հերթով շարեք մակարոնը, մսի խճողակն ու դդմիկը, վրան լցրեք սոուսը, ապա քերած պանիրը ու տեղադրեք ջեռոցում մինչև պատրաստ լինելը:
Մատուցելիս ձևավորեք կանաչիով:
Խորհուրդ: Այս ուտեստի բուսական տարբերակի համար մսի խճողակի փոխարեն վերցրեք 300 գ գազար, բարակ տաշեղների ձևով կտրատեք, ավելացրեք կես բաժակ կտրտած ընկույզ, և սոխի ու լոլիկի հետ մեկտեղ տապակեք ձիթապտղի ձեթի մեջ:
