Նուշից թխվածքաբլիթ՝ ռոմով
Բաղադրիչները՝
- 500 գ ցորենի ալյուր
- 150 գ աղացած նուշ
- 250 գ կարագ
- 150 գ շաքարավազ
- 2 հատ ձու
- 1 ճ/գ վանիլային շաքարավազ
- 1/2 թ/գ կերակրի սոդա
- 3 ճ/գ ռոմ
- 300 գ շաքարի փոշի
- 1 պտղունց աղ
Պատրաստման եղանակը
Փափկեցրած կարագը տեղադրեք խորը պնակի մեջ, միքսերով հարեք մինչև փքուն զանգված ստանալը: Մեկ այլ պնակի մեջ ջարդեք ձուն, ավելացրեք շաքարավազը և հարեք մինչև սպիտակ զանգված ստանալը: Ձվի ու շաքարավազի խառնուրդը խառնեք հարած կարագի հետ:
Ավելացրեք վանիլային շաքարավազը, սոդան, ռոմը, ալյուրը, աղն ու խմոր հունցեք: Խմորի վրա լցրեք աղացած նուշն ու խառնեք:
Խմորի կեսը ալյուր ցանած սեղանի վրա 2 սմ հաստությամբ բացեք: Խմորից հատուկ ֆորմաների օգնությամբ թխվածքաբլիթներ առանձնացրեք:
Թխվածքաբլիթները տեղադրեք կարագ քսած տապակի մեջ ու 20 րոպե թխեք 180 աստիճան ցելսիուս տաքության ջեռոցում:
Պատրաստի թխվածքաբլիթների վրա շաքարի փոշի ցանեք ու մատուցեք:
