Որոնք են աշխարհի ամենահարուստ երկրները

Ամերիկյան «Insider Monkey» ֆինանսական կայքը համախառն ներքին արդյունքի (ՀՆԱ) հիման վրա հրապարակել է աշխարհի ամենահարուտ երկրների ցանկը։ Այս մասին տեղեկացնում է ermenihaber.am-ը։

Ամենահարուստ երկրների ցանկում 1-ին տեղը զբաղեցնում է Չինաստանը։ Նշվում է, որ Չինաստանի ՀՆԱ-ն կազմում է 35.29 տրիլիոն դոլար։ Երկրորդ տեղում Ամերիկայի Միացյալ Նահանգներն է՝ 28.78 տրիլիոն դոլար ՀՆԱ-ի ցուցանիշով։ Երրորդ տեղում 14.59 տրիլիոն դոլար ՀՆԱ-ի ցուցանիշով Հնդկաստանն է։

Չորրորդ և հինգերորդ տեղերում Ճապոնիան և Գերմանիան են համապատասխանաբար՝ 6.72 տրիլիոն դոլար և 5.69 տրիլիոն դոլար ՀՆԱ-ով։

Վեցերորդ տեղում Ռուսատանն է՝ 5.47 տրիլիոն դոլար համախառն ներքին արդյունքով, իսկ յոթերորդ տեղում Ինդոնեզիան է՝ 4.72 տրիլիոն դոլարով։

Ութերորդ, իններորդ և տասներորդ տեղերում Բրազիլիան, Բրիտանիան և Ֆրանսիան են՝ համապատասխանաբար 4.27 տրիլիոն դոլար, 4.03 տրիլիոն դոլար և 3.99 տրիլիոն դոլար համախառն ներքին արդյունքով։

Թուրքիան զբաղեցնում է 11-րդ հորիզոնականը՝ 3.83 տրիլիոն դոլար ՀՆԱ-ի ցուցանիշով։ Տնտեսությունը մեծապես հիմնված է արդյունաբերության, գյուղատնտեսության և զբոսաշրջության վրա։ Թուրքիան ամբողջ աշխարհում հայտնի է որպես զբոսաշրջության կարևոր կենտրոն։