Դաջվածքի վարպետը Սանկտ Պետերբուրգից չի հասցրել թռչել Երևան, նրան ձերբակալել է ոստիկանությունը

Սանկտ Պետերբուրգի Պուլկովո օդանավակայանում հավատացյալների զգացմունքները վիրավորելու կասկածանքով ձերբակալվել է 24-ամյա դաջվածքի վարպետը։

Ըստ քննիչների տվյալների, նա հրապարակել է դաջվածքի լուսանկար, որտեղ պատկերված են ուղղափառ խաչը և Հիսուս Քրիստոսը՝ այլանդակված տեսքով: 2023 թվականին աղջիկը լուսանկարել է այս դաջվածքով իր մերկ սրունքը և հրապարակել լուսանկարը Telegram-ում, «որով նա նվաստացրել և վիրավորել է հավատացյալ քաղաքացիների կրոնական զգացմունքները», հայտնում է ՏԱՍՍ-ը։

Գործով ներգրավված անձը ձերբակալվել է Պուլկովո օդանավակայանում։ Աղջիկը փորձել է Մոսկվայով տրանզիտով թռչել Երևան։

Հարցաքննելուց հետո դաջվածքի վարպետի նկատմամբ խափանման միջոց է ընտրվել երկրից չհեռանալու մասին ստորագրությունը։ Նրա նկատմամբ քրեական գործ է հարուցվել նաև հավատացյալների զգացմունքները վիրավորելու հոդվածով։