Վրաստանում բարձրացել է խաչապուրիի գինը
Վրաստանում հունվարին իմերեթական խաչապուրիի մեկ ստանդարտ չափաբաժնի պատրաստման արժեքը միջինում կազմել է 6,62 լարի (2,47 դոլար): Դա 2%-ով ավելի է, քան մեկ ամիս առաջ, բայց 4,6%-ով պակաս, քան 2023 թվականի հունվարին:
Խաչապուրիի ինդեքսի աճը բացատրվում է խմորիչի, կաթի, կարագի և ձվի գների բարձրացմամբ, ընդ որում՝ պանիրն ու ալյուրն էժանացել են․ հաղորդում է Թբիլիսիի պետական համալսարանին կից տնտեսագիտության միջազգային դպրոցը:
