Թուրքիան 2023թ. 10 մլրդ դոլարի տեքստիլ է արտահանել
«Թուրքիայի արտահանողների միությունը» (TİM) տվյալներ է հրապարակել 2023-ին Թուրքիայի տեքստիլի (մանվածքեղեն) և տրիկոտաժի հումքի արտահանման վերաբերյալ: Այս մասին տեղեկացնում է ermenihaber.am-ը։
Ըստ այդմ՝ արտահանված ապրանքների ընդհանուր ծավալը կազմել է ավելի քան 2 մլն տոննա՝ շուրջ 10 մլրդ դոլար արժողությամբ:
Նշվում է, որ ամենից շատ եկամուտը ստացվել է գործվածքից՝ շուրջ 6 մլրդ դոլար, իսկ ամենաշատ վաճառքի գործարքներ եղել են Եվրամիության (ԵՄ) անդամ երկրների հետ (ավելի քան 3 մլրդ դոլար):
Մանվածքեղենի ոլորտի արտադրանքի սպառմամբ առաջին տեղը զբաղեցնում է Իտալիան՝ շուրջ 750 մլն դոլարով։ Հաջորդում է Ռուսաստանը՝ 600 մլն դոլարով, այնուհետև ԱՄՆ-ը՝ 471 մլն դոլարով:
