ԼՂ-ից բռնի տեղահանված շուրջ 1000 քաղաքացի դեռ չի օգտվել 100.000 դրամ միանվագ աջակցությունից
![](https://168.am/wp-content/uploads/2022/09/Narek-Mkrtchyan.jpg)
Լեռնային Ղարաբաղից բռնի տեղահանված շուրջ 1000 քաղաքացի դեռ չեն օգտվել պետության կողմից տրամադրվող 100.000 դրամ միանվագ աջակցությունից։
2023 թվականն ամփոփող ասուլիսի ժամանակ տեղեկությունը հայտնեց ՀՀ աշխատանքի և սոցիալական հարցերի նախարար Նարեկ Մկրտչյանը` պատասխանելով Sputnik Արմենիայի հարցին։
«Մենք պետք է վստահ լինենք այդ շահառուների ներկայացված տվյալների արժանահավատությանը, պետք է համադրենք մեր ձեռքի տակ եղած տվյալները, և առաջիկա 2–3 շաբաթվա ընթացքում տվյալների վերջնական ստուգումը կավարտվի, և շահառու հանդիսացող անձանց դրանք կփոխանցվեն»,–ասաց Մկրտչյանը։
Հիշեցնենք` նրանք, ովքեր դեռ չեն օգտվել 100 000 դրամ աջակցության ծրագրից, մեխանիկորեն չեն օգտվում նաև 40 +10 հազար ծրագրից։