Իսրայելական բանակը հայտնել է Գազայում Իսլամական ջիհադի հրամանատարներից մեկի սպանության մասին
Իսրայելցի զինվորականները Գազայի հատվածում գործողության ընթացքում սպանել են պաղեստինյան արմատական «Իսլամական ջիհադ» խմբավորման կարեւոր անդամներից մեկին։
«Իսրայելի պաշտպանության բանակը և Անվտանգության գլխավոր ծառայությունը սպանել են Գազայի հատվածի հյուսիսային օպերատիվ շտաբի ղեկավարին և «Իսլամական ջիհադի» բարձրաստիճան անդամին։ Մամդուհ Լուլուն «Իսլամական ջիհադ» կազմակերպության հյուսիսային Գազայի հատվածի առաջնորդների օգնականն էր և կապի մեջ էր կազմակերպության արտերկրում գտնվող կենտրոնակայանի բարձրաստիճան պաշտոնյաների հետ»,- ասված է հաղորդագրության մեջ։
Լուլուն սպանվել է իսրայելական ռազմաօդային ուժերի ավիահարվածի ժամանակ, որի համար հիմք են հանդիսացել Իսրայելի Անվտանգության գլխավոր ծառայության հետախուզական տվյալները:
