Ովքեր չպետք է ոլոռ ուտեն. ալերգոլոգ
Ալերգոլոգ և իմունոլոգ Ելենա Պարեցկայան պատմել է, թե ով պետք է հատուկ ուշադրություն դարձնի ոլոռ ուտելուն: Մասնագետի խոսքով՝ ոլոռը պարունակում է մեծ քանակությամբ պուրիններ, որոնք բարձրացնում են օրգանիզմում միզաթթվի մակարդակը։ Դրա ավելցուկը կարող է հանգեցնել հոդացավերի, հոդատապի նոպաների և երիկամների քարերի առաջացման։
«Ուստի այն պետք է սահմանափակել ծերության ժամանակ և պուրինային նյութափոխանակության խանգարումների ֆոնին, նեֆրիտով և մարսողական պաթոլոգիաների սրմամբ. խոլեցիստիտով, պեպտիկ խոցով տառապողների համար ոլոռը պետք է զգուշությամբ ավելացնել սննդին։ Վտանգավոր է նաև թրոմբոֆլեբիտի համար»,- ըստ shantnews-ի՝ նշել է նա:
Պարեցկայան հավելել է, որ ոլոռը պետք է սահմանափակել նաև կոլիտի, գրգռված աղիքի համախտանիշի և թութքի դեպքում, ինչպես նաև հղիության ընթացքում։ Բանն այն է, որ այս մթերքը մարսվելիս փքվածություն է առաջացնում։
Փորձագետը նշել է, որ ոլոռն ունի նաև բավարար քանակությամբ օգտակար հատկություններ։ Նրա պարունակած վիտամին A-ն և բետա-կարոտինը կարող են օգնել արագացնել վնասված հյուսվածքների ապաքինումը և շտկել հորմոնալ համակարգի աշխատանքը: Վիտամին C-ն կամրապնդի արյան անոթների պատերը և կպաշտպանի իմունային համակարգը, իսկ B խմբի վիտամինները նորմալացնում են նյութափոխանակության գործընթացները մարմնում:
