ՌԴ-ում ցանկանում են հունվարի 1-ից Պետդումայի բոլոր պատգամավորներին տրամադրել հայրենական արտադրության մեքենաներ
Պետդումայի աշխատակազմի ղեկավար Իգոր Դիվեյկինը Ռուսաստանի Դաշնության շրջանների գործադիր իշխանություններին նամակով տեղեկացրել է, որ Պետդումայի նախագահ Վյաչեսլավ Վոլոդինի որոշմամբ, 2024 թվականի հունվարի 1-ից առաջարկվում է բոլոր պատգամավորներին տրամադրել հայրենական արտադրողների մեքենաներ։ Այս մասին գրում է «Վեդոմոստի»-ին:
2023 թվականի հուլիսին Վոլոդինը Պետդումայում կայացած լիագումար նիստում հայտարարել էր, որ բոլոր բյուջետային հաստատությունները և իշխանությունները պետք է ձեռք բերեն հայրենական արտադրության մեքենաներ: Այս առաջարկով նա դիմել էր ֆինանսների նախարար Անտոն Սիլուանովին։
Այն ժամանակ նա Պետդումայի պատգամավորներին առաջարկել էր անցում կատարել ռուսական արտադրության մեքենաների: Նա առաջարկել էր «Լադա» և «Մոսկվիչ» մեքենաները:
«Որոշվել է, որ հաջորդ տարվանից իրենց ընտրատարածքներում պատգամավորներին կտրամադրվեն միայն ռուսական արտադրության ավտոմեքենաներ»,- ասվում էր մամուլի ծառայության հաղորդագրության մեջ։
Ըստ Վոլոդինի՝ «այդ որոշումները կօգնեն ռուսական ավտոմոբիլային արդյունաբերության զարգացմանը, իսկ բյուջետային միջոցները կմնան երկրում»։
