ՔՊ-ն իզմերից դուրս է, բոլորն էլ գիտեն, թե մենք Հայաստանն ուր ենք տանում. Արթուր Հովհաննիսյան
Այսօր խորհրդարանական խմբակցությունների ճեպազրույցերի ժամանակ լրագրողները «Քաղաքացիական պայմանագիր» խմբակցության պատգամավորներից հետաքրքրվեցին՝ ի՞նչ ուղղվածության կուսակցություն է ՔՊ-ն, քաղաքական հայտնի ուղղություններից որի՞ն է պատկանում կուսակցությունը։
Պատասխանելով՝ ՔՊ-ական պատգամավոր Արթուր Հովհաննիսյանն ասաց, որ իրենց կուսակցությունը մշտապես հանդես է եկել իզմ-երից դուրս տրամաբանությամբ։
«Մենք առաջին օրվանից հանդես ենք եկել ՀՀ-ում ժողովրդավարություն, արդարադատություն հաստատելու դիրքերից և այդ ճանապարհով շարժվում ենք առաջ՝ դուրս լինելով իզմ-երից։ Կարծում եմ՝ ժամանակակից աշխարհը խիստ ձևափոխվել է կոնկրետ մի ուղղություն պահելու և այդ ուղղությամբ շարժվելու համար։ Կարծում եմ՝ մեր հանրության և մեր ընտրողների համար պարզից էլ պարզ է, թե մենք որ ուղղությամբ ենք գնում և ուր ենք տանում Հայաստանը»,- նշեց Արթուր Հովհաննիսյանը։
Մանրամասները՝ 168.am-ի տեսանյութում
