Էրդողանը կմեկնի Գերմանիա՝ հանդիպելու կանցնլերի և նախագահի հետ
Թուրքիայի նախագահ Ռեջեփ Թայիփ Էրդողանը նոյեմբերի 17-ին կմեկնի Գերմանիա։ Թուրքական աղբյուրը նշում է, որ այցի ընթացքում սպասվում է Էրդողանի հանդիպումը Գերմանիայի կանցլեր Օլաֆ Շոլցի հետ։ Այս մասին տեղեկացնում է ermenihaber.am-ը։
Հանդիպման ընթացքում կքննարկվի Գազայի հարցը, երկկողմ հարաբերությունները և տարածաշրջանային այլ հարցեր։ Նշվում է նաև, որ սպասվում է հանդիպում Գերմանիայի նախագահ Ֆրանկ Վալտեր Շտայնմայերի հետ։
Գերմանիան Թուրքիայի խոշոր առևտրային գործընկերներից է և նպատակ կա երկու երկրների միջև առևտրաշրջանառության ծավալները մինչև տարեվերջ հասցնել 50 մլրդ դոլարի։ Թուրքական աղբյուրի մեկնաբանմամբ՝ Էրդողանի այցը հենց այդ տեսանկյունից շատ կարևոր է։
