Այսօր ևս 10 ընտանիք՝ 40 մարդ Բաքվից տեղափոխվել է Լաչին քաղաք․ APA
Ադրբեջանական APA գործակալության փոխանցմամբ՝ այսօր ևս 10 ընտանիք՝ 40 մարդ Բաքվից տեղափոխվել է Լաչին քաղաք։
Այսպիսով, ըստ ադրբեջանական լրատվամիջոցների`Լաչին քաղաքում մշտական բնակություն հաստատածների թիվը հասավ 1245-ի (325 ընտանիք):
Հիշեցնենք, որ տարեսկզբին Ադրբեջանը հայտարարել էր, որ ծրագրում է մինչև տարեվերջ սկսել Լաչինի բնակեցման գործընթացը:
Նշենք, որ Բերձոր քաղաքը, Աղավնոն ու Սուսն Ադրբեջանին են անցել 44-օրյա պատերազմից հետո ստորագրված 2020 թվականի նոյեմբերի 9-ի հայտարարության համաձայն՝ 2022-ի օգոստոսին, առանց կրակոցի։
