Մեծագույն ողբերգություն է, որ մեկ տարվա ընթացքում հայր ու որդի այսպես հեռանում են կյանքից․ Նորիկ Նորիկյան

Փաստաբան Նորիկ Նորիկյանը ֆեյսբուքյան իր էջում գրել է․

«Հարգելի՛ բարեկամներ

Այսօր ողբերգական ավտովթարի հետևանքով զոհվել է Ազատ գյուղի զորանոցում հրդեհի հետևանքով զոհված 15 զինծառայողներից Սերգեյ Կևորկովի հայրը՝ Կարեն Կևորկովը։

Բառեր չեմ գտնում հայտնելու իմ խորը ցավակցությունը Կարեն Կևորկովի մերձավոր ազգականներին ու հարազատներին։
Թող լույս իջնի շիրիմիդ, Կարեն ջան։

Իսկապես մեծագույն ողբերգություն է, որ մեկ տարվա ընթացքում հայր ու որդի այսպես հեռանում են կյանքից։

Իսկապես շոկի մեջ եմ․․․»։