Իսրայելը հարվածներ է հասցրել Դարաայում Սիրիայի զինված ուժերի դիրքերին
Իսրայելի ռազմաօդային ուժերը հարվածներ են հասցրել սիրիական բանակի դիրքերին երկրի հարավում գտնվող Դարաայի նահանգում։ Այս մասին հաղորդում է SANA գործակալությունը՝ վկայակոչելով Սիրիայի զինված ուժերի մի աղբյուրի։
Ըստ հաղորդագրության՝ հարվածները հասցվել են հոկտեմբերի 30-ի գիշերը՝ տեղական ժամանակով ժամը 01:35-ին, Գոլանի բարձունքների կողմից։ Հարձակման թիրախում են եղել Դարաայում գտնվող երկու ռազմական օբյեկտներ, որոնք նյութական վնասներ են ստացել։
Զոհերի և վիրավորների մասին տեղեկատվություն չի հաղորդվում:
