Ադրբեջանը նոր կադրեր է հրապարակել Արայիկ Հարությունյանի ձերբակալումից և հարցաքննությունից
Ադրբեջանի պետական անվտանգության ծառայությունը հրապարակել է Արցախի Հանրապետության նախկին նախագահ Արայիկ Հարությունյանի ձերբակալման և հարցաքննության նոր կադրերը:
Պետական անվտանգության ծառայությունը հաղորդում է, որ Հարությունյանի նկատմամբ քրեական հետապնդում է իրականացվել Ադրբեջանի Քրեական օրենսգրքի 9 հոդվածներով։
Հիշեցնենք, որ Ստեփանակերտից առևանգված, ձերբակալված և Բաքու տեղափոխված Արայիկ Հարությունյանը ադրբեջանցի փաստաբան ունի. նա Ալով Սաֆարալիևն է։
«Հարությունյանը հարցաքննվել է, միայն կարող եմ ասել, որ նրա տված ցուցմունքը կօգնի գտնել բազմաթիվ հարցերի պատասխաններ»,- նշել է նա։
