Մեզ ավելի ծանր օրեր են սպասվում, պատրաստվել և ուժեղանալ է պետք: Խաղաղություն չի լինելու. Հովհաննես Ավետիսյան
Պետական կառավարման մասնագետ, տնտեսագետ Հովհաննես Ավետիսյանը ֆեյսբուքյան իր էջում գրում է․ «Ակնհայտ է, որ Ադրբեջանի գործողությունները ոչ իրավաչափ են, ոչ օրինական, ոչ էլ որևէ միջազգային նորմին համապատասխան:
Դրանք վրեժի տրամաբանության մեջ գործողություններ են: Նա շարունակում ապօրինի ձերբակալել հայերի, որոնք կանգնել են իրենց ազգի պաշտպանության համար: Սա արվում է, քանի որ Հայաստանի ներկա վարչապետը փլուզել է մեր պետության անվտանգային համակարգը և Հայաստանը տեր չի կանգնում իր քաղաքացիներին:
Ադրբեջանը հատ առ հատ ձերբակալելու է բոլոր այն հայերին, որոնք նախկինում, ներկայում և ապագայում կանգնել են և կանգնելու են հայկական պետության համար:
Սրանով Ադրբեջանը ստեղծում է մի վիճակ, որով մեզ՝ հայերիս, պետությունը նիկոլներից ազատելուց հետո, իրավունք է տալու վրեժի ծարավից դրդված թիրախավորել այն բոլոր ադրբեջանցիներին, որոնք իրենց պետության համար են կանգնել, և առաջինը հենց Ալիևին:
Մեզ ավելի ծանր օրեր են սպասվում, պատրաստվել և ուժեղանալ է պետք: Խաղաղություն չի լինելու:
Եթե ճիշտ չհասկացաք, ոչ թե ես չեմ ուզում, այլ Նիկոլն ու Իլհամը չեն ուզում, և նրանք ապագա պատերազմների հողն են պատրաստում»:
