Վահան Քերոբյանն ու Շարժայի օտարերկրյա ուղղակի ներդրումների ընկերության ղեկավարը քննարկել են համագործակցության հնարավորությունները
Ֆրանկֆուրտում անցկացվող Ներդրումների կառավարման ցուցահանդեսի շրջանակում ՀՀ էկոնոմիկայի նախարար Վահան Քերոբյանը հայկական տաղավարում հանդիպել է Շարժայի օտարերկրյա ուղղակի ներդրումների ընկերության ղեկավար Մոհամմադ Ջումա Ալ Մուշարախի հետ։
Այս մասին հաղորդագրություն է տարածել ՀՀ էկոնոմիկայի նախարարությունը։
Քննարկվել են երկու երկրների միջև համագործակցության, արդյունաբերության եւ այլ ոլորտներում ներդրումների իրականացման հնարավորությունները։
Մոհամմադ Ջումա Ալ Մուշարախը նշել է, որ իրենք հատկապես հետաքրքրված են դեղագործության ոլորտով։
