Բալթիկ ծովում կանցկացվեն ՆԱՏՕ-ի անդամ երկրների ռազմածովային զորավարժություններ
Բալթիկ ծովում կանցկացվեն ՆԱՏՕ-ի անդամ երկրների ռազմածովային զորավարժություններ։ Ծովային զորավարժությունների խնդիրն է նախապատրաստել ՆԱՏՕ-ի ուժերի պատասխանը ռուսական ենթադրյալ հարձակմանը։
Ինչպես «Ռոյթերս» գործակալության հետ զրույցում ասել է Գերմանիայի ռազմածովային ուժերի հրամանատար, փոխծովակալ Յան Քրիստիան Կաակը, ՆԱՏՕ-ն այս զորավարժություններով հստակ ազդանշան է ուղարկում Ռուսաստանին։
«Ագրեսիայի արդյունավետ զսպումը ներառում է նաև հարձակման հնարավորությունը»,- ասել է փոխծովակալը։
Նրա խոսքով՝ զորավարժությունների հիմնական նպատակը ծովային ուղիների անվտանգության ապահովումն է։
«Ֆինլանդիան և Բալթյան երկրները 100%-ով կախված են Բալթիկ ծովից»,- ասել են գերմանացի զինվորականները։
Նա նաեւ ընդգծել է, որ Բալթիկ ծովն ու Լեհաստանը միացնող Սուվալ միջանցքը փակելու դեպքում հնարավոր կլինի Լիտվային, Լատվիային եւ Էստոնիային մատակարարել միայն Բալթիկ ծովով։
Զորավարժություններին, որոնք կմեկնարկեն սեպտեմբերի 9-ին, կմասնակցեն 30 նավ և 3000 զինվորական, այդ թվում՝ Ֆինլանդիայից, որը վերջերս միացել է Հյուսիսատլանտյան դաշինքի շարքերը, և Շվեդիայից, որը դեռ ՆԱՏՕ-ի անդամ չէ։
Զորավարժությունները հիմնականում տեղի կունենան Էստոնիայի և Լատվիայի ափերի մոտ։
