ԱՄՆ-ում ցանկանում են առաջին անգամ մահապատժի ենթարկել բանտարկյալին՝ օգտագործելով ազոտային հիպոքսիա
Ալաբաման ցանկանում է դառնալ ԱՄՆ առաջին նահանգը, որը մահապատժի կենթարկի բանտարկյալին՝ ստիպելով նրան շնչել մաքուր ազոտ:
Ինչպես տեղեկացնում է «ՌԻԱ Նովոստի»-ն, նահանգի գլխավոր դատախազությունը խնդրել է տեղի Գերագույն դատարանին նշանակել Քենեթ Յուջին Սմիթի մահապատժի ամսաթիվը, ում մահապատժի չեն ենթարկել 2022 թվականին, քանի որ չեն կարողացել նրան մահացու ներարկում անել։
«Ալաբաման ծրագրում է նրան մահապատժի ենթարկել՝ օգտագործելով ազոտային հիպոքսիա»,- ասվում է հաղորդագրության մեջ։
Այս տեսակի մահապատժի ժամանակ բանտարկյալին թույլատրվում է շնչել միայն ազոտ՝ զրկելով նրան թթվածնից։ Ազոտային հիպոքսիայի միջոցով մահապատիժն օրինական է երեք նահանգներում, սակայն երբեք չի կիրառվել։
Միացյալ Նահանգներում մահապատիժը թույլատրված է դաշնային մակարդակով, սակայն 23 նահանգներ, ինչպես նաև մայրաքաղաքը և տեղական մակարդակում վերացրել են մահապատիժը:
